今日（16日）網上流傳一條車CAM片段，拍攝到一名婦人胸前孭着一名幼兒、手拖一名女童，在旺角花墟球場對開的界限街胡亂過馬路，其間來回4條行車線也車來車往，非常危險。

現場是花墟球場對開的界限街，西行1線，東行3線，合共4條行車線，該處沒有行人過路處，要橫過馬路，可使用10米外的行人天橋，或50米外近大坑東道的交通燈位。片段可見婦人年約30歲，當時孭着一名幼兒，手拖女童。

車CAM可見，婦人拖着女童已橫過西行線，站在來回線中間的雙白線等候，車CAM的司機已停下讓路，中線客貨車見狀亦收慢行過，三人其後才安全過路。

網民紛紛留言指責，表示界限街路段繁忙，這位母親動作也太危險，而車CAM司機讓路「其實都危險，佢一唔睇車又遇著左線衝上黎，好易好心做壞事」。