今日凌晨（5日）金鐘發生的士翻側意外，3人受傷。案發一刻的驚險片段在網上瘋傳，可見涉事的士駛徑夏愨道18號海富中心對開時，失控猛撼路中的分隔石壆，登時彈起「噴煙」，狂打「空翻」多個圈後始停下，車廂向左翻側橫亘路中，變成廢鐵。期間有輪胎及汽車零件飛脫。後方cam車司機遭嚇窒，煞停爆粗：「黐X線呀，的士反X咗呀！」驚魂甫定後隨即報警，「我而家揸緊車見到佢（的士）反咗呀！」片末可見的士車廂毫無動靜，未見有人爬出，多名途人則跨過石壆上前協助。

事發於今日凌晨雲時左右，一輛的士由尖沙咀接載2名外籍男女遊客，擬到山頂觀光。當駛至上址時懷疑失控自炒，撞毀路中分隔石壆、指示牌及燈箱。姓馬的士司機（64歲）及男女乘客（54歲及30歲）受傷，其後自行爬出，再送院治理。