【孝子賢孫】重陽節必備祭祖用品 淘寶紙紮元寶原來抵咁多?
重陽節又到,一班孝子又要準備去登高掃墓喇,仲年輕嘅你可能都唔知有咩用品需要準備,但係紙紮元寶應該都係必須品。有冇諗過祭祖紙紮用品可以喺淘寶買?而且分分鐘價錢仲平過喺香港買一大截!
小編搵咗幾款紙紮元寶同大家分享,不妨問吓屋企人有冇需要買畀先人啦!
1. 祭祀用品 紙紮直升機 只需¥11.9
呢個名為「通往天堂的直升機」,隨直升機附送飛行員。唔敢話像真度好高,但係都幾有噱頭~
2. 祭祀用品 紙紮寶馬轎車 只需¥35
呢架寶馬同款760Li紙紮轎車都係一個唔錯嘅選擇,長45cm﹑寬20CM﹑高16cm左右,內置司機,先人冇車牌都唔緊要。設計都幾精緻,有BMW嘅經典車頭設計,仿真散熱網同車頭燈,車尾四個排氣喉,車底嘅底盤清晰,而且紙質仲好高質。
3. 祭祀用品 紙紮立體NIKE運動鞋 只需¥24.9
NIKE同款波鞋,款式仲幾新穎,size就冇得揀喇,顏色就有兩隻,分別係藍色同白色。款式時尚之餘,造工都好精緻,有埋真鞋帶𠻹。
4. 祭祀用品 紙紮女士名牌包包高踭鞋 只需¥45
名牌包包同高踭鞋相信好多女士們都鍾意,呢個包包皮鞋同款套裝只需¥45,而且仲有得揀LV經典pattern或者GUCCI款式。
5. 祭祀用品 紙紮兩層花園別墅帶泳池 只需¥44.82
呢個紙紮兩層別墅設計都相當出色,小編最欣賞佢嘅花園茶座,公園入面仲有韆鞦同私人泳池,十分精緻。最特別之處就係佢係模型板塊,所以各位孝子賢孫係要自己落手落腳砌㗎!所以自問對祖宗十分有心嘅你哋,不妨考慮買番間靚靚別墅畀先人。
其實講到尾都係想盡顯孝心啫,正所謂百行以孝為先,記得珍惜可以同一班親戚﹑屋企人一齊上山祭祖掃墓嘅機會吖。
(產品資料以最新官方發佈為準)
唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!