網購攻略

送禮最怕fail 有咩禮物人人收到都讚好? $500-$1K內聖誕禮物推薦!

撰文:小甘
出版:更新:

聖誕節即將來臨,當然唔少得就係約埋三五知己大搞聖誕Party,互相交換禮物喇。但係,有冇諗過交換禮物背後嘅意義呢?單純地想收禮物?覺得好玩又刺激?其實,除咗朋友之間交換禮物搞吓氣氛之外,聖誕節絕對係一個大好機會畀你大大方方地向你身邊重視嘅人「藉著節日說愛你」💗!若果你同小編一樣都係女漢子一名或者係直男一名,平白無故又唔好意思直接送禮物畀身邊人。聖誕節就係一個完美藉口,藉住節日嚟向你重視嘅人表達一年來對佢嘅謝意。

唔知道喺你哋心目中最想感謝嘅人係邊個呢?父母?另一半?兄弟姊妹?對象係邊個都唔緊要,既然係咁重要嘅人,挑選聖誕禮物嗰時就唔可以草率了事喇。不妨可以花多小小錢,送一份更實用嘅禮物。

不過送得貴之餘,錢都要花得值得㗎😎。作為一名精明網購專員嘅小編,已經幫大家挑選咗以下五​大HK$500 - HK$1000以內聖誕禮物之選,內附各平台網購價格比較,話你知去邊買先係最抵買,值得絕對你參考一番。

1. IRIS OHYAMA IC-FAC2 除塵蟎吸塵器(送塵袋) HK$649

除塵蟎吸塵器稱得上係每個人屋企都必需要擁有一部嘅清潔神器。即使你已經有定期清洗床單、更換被鋪,其實塵蟎都會無聲無色地潛藏喺床褥、枕頭、被鋪、梳化、毛公仔等等裡面。加上香港溫暖又潮濕嘅環境,非常適合塵蟎生長,完美地孕育出成千上萬嘅蟎蟲。甚至英國都有研究顯示,只要二個星期唔更換床單被鋪,已經可以繁殖出過百萬個塵蟎及細菌。

塵蟎可以話係誘發過敏問題嘅萬惡之源,尤其係本身已有鼻敏感、皮膚敏感、哮喘或有其它過敏症狀嘅人士,絕對唔可以睇輕塵蟎,擊退塵蟎就係邁向健康嘅第一步

若果你都想要你重視嘅人身體健康,唔單止係靠把口去祝福人哋㗎。送對方一部除塵蟎吸塵器會係更實際嘅辦法。而來自日本嘅IRIS OHYAMA IC-FAC2 除塵蟎吸塵器,網上一片呼聲,功能都非常強大。IRIS OHYAMA IC-FAC2 除塵蟎吸塵器主打強效吸力,吸頭每分鐘會拍打震動6000次,可以吸走高達98%嘅塵蟎;加上兩個獨特旋風氣流結合,搭配「暖風機能」嚟降低室內濕度,創建一個乾爽嘅環境,令塵蟎難以滋生。

🔻強大功能 一覽無遺🔻

🔻網購價格對比(按圖放大)🔻

網購價格對比 — IRIS OHYAMA IC-FAC2 除塵蟎吸塵器

2. Jo Malone 英國梨與小蒼蘭 100ml HK$727

英國香水品牌Jo Malone相信大家都唔陌生,買嚟送禮絕不失禮。無論係少女抑或熟女,對呢個品牌都唔會抗拒。Jo Malone喺品牌形象、產品包裝、產品外型、香水香味等方面都完美俘虜咗無數女士們嘅心,就連韓星、外國名人、甚至係凱特王妃都有透露過自己每日最愛用嘅香氛正正係來自Jo Malone,稱得上係云云香水品牌中嘅一大「猛將」。若果你對自己揀禮物嘅品味欠缺信心,送Jo Malone香水係最安全又唔會Fail之選。

留意番,每個人對香味嘅喜好都有所不同,你可以根據對方嘅日常打扮、形象、性格去挑選最啱佢嘅選擇。如果實在唔識得揀,不妨直接入手Jo Malone最招牌,亦係長居第一位嘅香味—「英國梨與小蒼蘭」,單凡聞過呢個味道嘅人都會愛上。「英國梨與小蒼蘭」屬於接受度較高嘅香味,清新嘅梨子香再配合埋淡淡白色小蒼蘭嘅花香,兩種果香與花香味糅合之後,聞起上嚟舒服又柔和,唔會係過份濃烈又低俗嘅味道。

🔻各國網民都愛用Jo Malone🔻

+5

🔻網購價格對比(按圖放大)🔻

網購價格對比 — Jo Malone 英國梨與小蒼蘭 100ml

3. 德國寶 - 光速氣炸鍋 CKF-110 券後價HK$842

若果要數近年來最hit嘅煮食爐具,「氣炸鍋」絕對毫無懸念地登上第一位寶座!點解氣炸鍋可以Keep住詢問度咁高?而且購買熱潮更不退反增?無非都係因為可以輕鬆整出健康無油煙嘅煎炸料理。只要再花多啲心思上網參考一下其他用家分享嘅食譜,想靠一個鍋煮出過百款創意料理真係無難度。

氣炸鍋屬於小型家電,若果想用得更安心及放心,可以考慮入手信譽度高、口碑好嘅品牌。德國寶光速氣炸鍋價格雖然不及國產氣炸鍋便宜,但勝在品牌歷史悠久,值得信賴,買嚟送禮一流!

德國寶光速氣炸鍋利用智能光波爐技術,可以喺無火無油情況下,快速加熱煮食,最高可加熱至250°C,煮出酥酥脆脆嘅油炸效果。最值得一讚係,鍋蓋採用通透式玻璃,令整個煮食過程一目了然,更容易掌握烹調效果,煮食新手都啱用!

🔻強大功能一覽🔻

🔻網購價格對比(按圖放大)🔻

網購價格對比 — 德國寶 光速氣炸鍋 CKF-110

4. B&O BeoPlay E8 真無線耳機 炭砂色 券後價HK$903

近年無線耳機大行其道,有線耳機已經漸漸離開主流。而唔同影音視聽品牌都爭相推出各款無線耳機,無論係平抑或貴嘅選擇都有。不過,既然係送禮物畀最重要嘅人,不妨可以大膽入手價格較高,品質都相對較好嘅無線耳機,事關買到一個品質好嘅耳機,之後就唔需要再頻繁地更換。

唔知大家有冇聽聞來自丹麥嘅奢華影音品牌—Bang & Olufsen(B&O)呢?B&O嘅BeoPlay E8 真無線耳機由外表開始已經盡顯奢華,不論係耳機或充電盒,都採用咗高級真皮革、鋁材、不鏽鋼等材料。

撇開外觀,性能亦非常強大。只需要充滿一次電就可以持續使用4個鐘,充電盒仲可以額外提供2次充電,意味住可以用到足足12個鐘,續航力極高。最特別一點在於「透明模式」,即使聽緊音樂都可以切換為靜音,換言之你可以聽到外界嘅聲音,所以如果有人同你講嘢時都唔需要除低耳機。

🔻重點功能一覽🔻

🔻網購價格對比(按圖放大)🔻

網購價格對比 — B&O BeoPlay E8 真無線耳機 炭砂色

升級版:B&O - BeoPlay E8 2.0 真無線耳機 (自然色) 券後價$1394

5. AMAZON - (第十代) Kindle Paperwhite4 2018 8GB 電子閱讀器 HK$729

「書中自有黃金屋」呢句說話相信大家都聽過無數百次。若果可以培養到每日閱讀嘅習慣固然係一件好事。不過,作為香港地打工一族,日日返工放工又OT,基本上想睇書嘅時間都冇。即使想帶本書喺身,搭車、食飯等無聊時候可以睇吓,但無奈地本書又重又厚,真係好難隨身攜帶。

Kindle 電子閱讀器無疑係解決咗以上所有問題,因為只要一機在手,無論想睇咩書都可以即刻上網下載即刻睇。而且機身又薄又輕,放入手袋背囊都唔阻埞,咁以後想幾時睇書都可以自己話事!若果你嘅送禮對象平時都鍾意睇吓書,收到呢份禮物一定會倍感窩心。但若然對方冇閱讀習慣,話唔定Kindle 電子閱讀器可以令佢從此愛上閱讀𠻹!😍

🔻重點功能介紹🔻

🔻網購價格對比(按圖放大)🔻

網購價格對比 — AMAZON - (第十代) Kindle Paperwhite4 2018 8GB 電子閱讀器

溫馨提示💁🏻‍♀ 即睇eBay大優惠碼👇

以PayPal付款滿HK$936 輸入優惠碼【PCNSMZDM1219】 再減HK$156! 

優惠日期:12月11日—12月31日

*只限首7500名eBay用戶,每個用戶只限使用一次*

(產品及優惠資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈