【溫多娜手記】聖誕報佳音 長和主席李澤鉅現身捧場 企足45分鐘
撰文：溫多娜
出版：更新：
臨近聖誕節，由長江集團及其他公司基督徒組成嘅「長江活水」頌唱團，今日展開第六年聖誕報佳音活動，除咗吸引一眾中環人駐足圍觀，長江集團主席李澤鉅亦現身捧場，據了解，李澤鉅已經連續兩年出現，與頌唱團一同報佳音，今年逗留足足45分鐘，十分有心。
今年報佳音嘅點題歌曲「平安」歌詞提及：「主，祢賜下平安……; 我的心不必再憂愁，也不用膽怯……」，適合響現時紛亂嘅環境撫慰心靈，為大家送上溫馨愛意。
聽日同埋後日下午1點，頌唱團響長江集團中心大堂仲有兩場報佳音活動，大家不妨碰碰運氣，或者能再聽到李澤鉅大開金口！