「劣鳩飯堂」評港女與劣食：一定唔會搵港女做女朋友

近年香港興起一般劣食風，劣食的關鍵字不少，「邪惡拉絲」、「極隱世」、「紫薯」……有一群九十後看不過眼，直言「食劣食就係戇X」，創立「劣鳩飯堂」facebook專頁，講到明抽撃劣食。

劣鳩飯堂，一個由數名九十後開設，打正旗號攻擊劣食的專頁。「我地對劣食係無限地針對，係因為有啲嘢食真係好劣，真係唔好走去中伏！」

阿John指，「劣鳩飯堂」的「劣鳩」，是「劣食」和「戇X」的混合體。

劣鳩飯堂其中一名Admin（專頁管理員）阿John，接受訪問當日，挑戰近日推出市面的抹茶粥、紫薯粥及韓式泡菜粥，面對味道相當甜的紫薯粥，劣鳩明言「我覺得整出嚟係侮辱咗食物！」

（左上起順時針）抹茶、芝士、紫薯及海膽，是港女喜愛、又同時被劣鳩飯堂形容為「劣食四寶」。（資料圖片／互聯網）

海膽、芝士、抹茶和紫薯，被「譽為」四大劣食，深受香港女性歡迎。阿John稱並非單單針對此四樣食物，而是認為胡亂加上此四樣食物以吸引食客，只是為了無謂的噱頭，「阿豬阿狗乜嘢都加哂芝士，我真係覺得，有無必要呢？」

劣食究竟為何如此受歡迎？阿John認為是港人盲目追捧和羊群心理使然，引致看見「海膽、芝士、抹茶、紫薯」，又或是「日式、韓式」等字眼，便先入為主覺得是精品，「覺得好似外來嘢係特別正啲」，韓式部隊鍋就是最佳例子。

部隊鍋深受香港女性喜愛。（韓國觀光公社圖片）

「百幾蚊食個部隊鍋，人哋就係打仗食嘅，香港就講到部隊鍋好似係你生活享受去食部隊鍋咁樣。」
劣鳩飯堂阿John

令阿John更勞氣的是，「凡係韓式嘅嘢一出現，啲祟韓嘅港女係癲鬼晒咁出嚟」。

阿John心裏亦相當疑惑，「點解會有咁多人吹捧呢啲嘢？可能大家係覺得local嘢，係好似低一個grade，但local嘅嘢係絕對唔差！大家應該要感受下身邊真係好港式嘅嘢！」John特別喜愛雞蛋仔，認為雞蛋仔外脆內軟有蛋香，「local得嚟係跑得出嚟嘅」，並指有日本朋友每次到港，也必定會食雞蛋仔。

阿John認為雞蛋仔外脆內軟，是值得一吃的本土食物之一。（資料圖片）

但總有人在看見「芝士拉絲」、「抹茶紫薯」等字詞後便蜂擁排隊，阿John直指，「你咁吹捧劣食嘅，都幾戇X」。現時單身的John，擇偶時又會否篩走劣食愛好者？「我諗我唔會同一個真係會追捧劣食嘅港女一齊囉，同一個港豬女朋友一齊，真係好睇唔開，真係同自殺無分別！」

現時劣鳩飯堂facebook專頁已有八萬人讚好，但阿John認為革命尚未成功，懂得區分劣食者仍是少數，同志仍需努力！如果你想由劣食回歸正途，阿John就指「銀包喺你手，你就係老細；你就要諗清楚你選擇係啲咩，世界好大，唔好覺得呢啲已經係你嘅所有選擇」。

劣鳩飯堂facebook專頁已有近八萬人讚好。(互聯網)

如果想試港式食物，阿John建議可試雞蛋仔、串燒、車仔麵、魚蛋粉、糖蔥餅、奶茶、碟頭飯、燒味及點心，可能會有驚喜！

看更多：