【實試】學生價平造刻名皮卡套 90後店主已過半退休生活
坊間有不少做皮的工作室，但每一間看起來都差不多，總是會煩惱不知道要選哪一間才好。
這次《Opener》記者就找來一間位於觀塘的皮革工作室，不只價錢便宜，還有個十分親切的店主駐場教學，非常適合學生們一起去！
測試員Cynthia評分👇
容易度：★★★☆☆
滿足度：★★★★★
環境：★★★☆☆
推薦指數：★★★★★
如果想慳多一點錢，
只買材料包做皮卡套的話，
就要看清楚以下的製作過程了！
容易度：力度控制要小心★★★☆☆
這次做皮卡套的時候，
需要特別注意的位就是力度的控制，
用錘子打洞時要大力一點，
但到刻字和符號時，
就要稍稍輕手一點，
因為一不小心就會打穿了皮底！
另外在穿線時，
記得每次穿好一個洞後，
就要各前拉直線，
這樣做出來的線條才夠貼夠直，
不過只要學會穿線方法，
新手也可以輕易能做到的！
滿足度：親手做皮★★★★★
在Carola Handmade的工作室裏，
你能真正享受親手做皮的感覺，
因為坊間有不少皮革工作坊，
都是教你用機器去做皮，
而這裏更多的是用手做，
做出來的成品也更有誠意。
但另外亦有一半的滿足，
是因為有健談的導師Clara陪伴，
在整個製作過程中絕無冷場，
輕鬆愉快的氛圍完全不似在上堂，
非常適合約同學們一起去玩。
環境：地點方便★★★☆☆
工作室地點非常方便，
距離地鐵站只有5分鐘路程，
雖然工作室地方不大，
但設備都尚算齊全，
而且門外走兩步就有洗手間，
附近亦有不少食肆，
即使在工作室內做皮做一天，
也完全沒有問題！
推薦指數：學生價玩夠抵★★★★★
店主Clara為了學生們也能來做皮革，
即使面臨通脹，
她也只是縮小了工作室，
開店幾年來從未加價。
而這次的卡套工作坊只需$460，
只買材料包的話更低至$150，
另外，
既有意大利進口刷蜡皮可做，
亦有韓國進口雲石皮可用，
多種皮款任君選擇，
而且工作坊並沒有限時，
不用擔心會趕不及做，
非常抵玩！
飛澳洲學做皮
讀浸大地理出身的90後店主Clara，
因為家人經營布店，
自小就耳濡目染，
熱愛做手作，
更特別喜歡做皮革，
大學一畢業就飛到澳洲去學做皮，
「我覺得唔應該只係屈喺一個地方，
當我有80歲命，
如果我一畢業就做嘢，
做到65歲退休，
其實中間做咗40幾年嘢，
我只係用一年時間，
去探索一吓呢個世界，
我覺得唔奢侈。」
享受教學過程
剛從澳洲回來的Clara，
曾經想過要跟同學系的同學一樣，
去中學做老師教學生，
試過9天的代課後，
她也的確愛上教育學生的工作，
但因為教學理念不同，
她就放棄了做老師，
改為開一間皮革工作室，
「我係受學生歡迎，
但唔受學校歡迎嘅老師，
學校要分數，
但我嘅想法係學生應該要有自我，
我就想不如開一個工作室教學生整皮。」
開心就足夠
想當初有不少人都反對Clara選擇這一條路，
不過工作室至今都運作得相當好，
收入也不如眾人預期中差，
甚至有人將她的經歷編輯成書本《90後的半退休生活》，
不過這也大概是因為她熱情不滅，
「我好多同學、
大學嘅教授都話我唔應該做皮，
話做唔得耐，
但我就覺得即使唔賺，
我都願意繼續做落去，
因為我只係需要一個我開心嘅生活，
就已經係無價。」
地址：觀塘駱駝漆大廈2座6樓D11
價錢：$460（材料包$150）
電話：69033579
更多手作體驗好去處：
【實試】觀塘DIY霓虹燈 閨蜜情侶好去處 90後女店主由蝕捱到賺
【實試】DIY月夜星願燈 製作過程難唔難？要注意乜？
【實試】林嘉欣也做過 手雕木餐具 90後店主望打破木工刻板印象
【實試】DIY畢業花束 韓國大熱乾花 90後情侶力推治癒花藝
【實試】體驗傳統金工造法 親手造純銀戒指
【實試】另類畢業禮物 零失敗率手造木筆 三小時起貨
【實試】紀念日必做禮物 手工故事蠟燭 助店主走出情緒病
【實試】一小時完成窰燒玻璃首飾 90後帥氣店主為做玻璃變毒丁？
【實試】雲石控注意！ DIY水泥置物碟 店主為做水泥放棄8年生意
【實試】買帽不合身又不合心？DIY雙面漁夫帽一次滿足兩個願望