【地下拳】王敏奕被爆樽𠝹花面 「劇組仲緊張過我」
撰文：許育民
出版：更新：
電影《地下拳》上星期上畫，香港好一段時間未有以真功夫對打做賣點的電影，戲中兩位主角分別是南拳冠軍孫振峰，與散打王者鄭子平，鏡頭前一拳一腳都實實在在力度十足。連帶戲中女主角王敏奕（Venus）都不敢怠慢，其中一個爆樽場面都親身上陣，不過就因為這個鏡頭受傷。
戲中王敏奕飾演演員，但得罪導演注定冇運行。（《地下拳》劇照）
電影為呈現最真實震撼畫面給觀眾，大部分對打鏡頭都不經剪接，當中包括在戲中飾演演員的王敏奕，一場被楊柳青及趙永洪無限爆樽戲份，一樣親身上陣，其中一次就被𠝹花面。
戲中講到王敏奕因為得罪飾演導演的趙永洪，被戲中戲女主角楊柳青拍的一場爆樽戲，無理要求不停重拍，Venus大讚劇組細心，不停嘗試以鏡頭遷就，以減少被爆樽次數。「劇情始終講我被導演報仇，而爆樽同被爆樽都需要一定經驗，又必須有一定力度糖膠樽才會碎裂，所以最後真的被誤𠝹傷面，當時劇組比我還擔心。」Venus更笑言，動作戲受傷是無法避免，簡單消毒後，索性保留面傷拍攝以增強真實感。
點擊睇更多王敏奕靚相：
+6