電影《尋秦記》在港澳地區大受歡迎，票房已邁向8000萬。而近日，澳門有間幼稚園，更找來幾位學生組成男團，唱一首改編的《尋秦記》主題曲《天命最高》做《尋學記》，用作招收新生之用，結果爆紅獲不少網民欣賞。

負責惡搞歌曲的是澳門培華中學附屬幼稚園，片中找來幾位幼稚園學生，化身男團組Band，手執羽毛球拍、水桶、掃把唱出這個甩Beat、少少走音嘅惡搞版《天命最高》《尋學記》，歌詞大約叫各位小朋友同家長，唔使多心，一於嚟呢間學校讀啦！最重要是歌詞一句「天命最高」就改為「呢度最好」，啱晒Feel。

有傳媒引述，幼稚園要搞咁多嘢，全因澳門的生育率偏低，數字指出，全澳門新生嬰兒數目由2016年超過7,000名，暴跌至2025年的2,871名，跌幅超過6成！作為學校為免有殺校風險，紛紛要出招搶學生。