2019年上映的DC漫畫超級英雄電影《沙贊！神力集結》（Shazam!）收穫不俗口碑與票房，全球收入達3億6600萬美元（約28億5500萬港元）。片方去年落實開拍續集《Shazam! Fury of the Gods》，原班人馬確定回歸，並暫定於2023年6月上映。

雖然仲有兩年電影才面世，但日前片方已經公開前導預告，片段主要向觀眾展示沙贊的新戰衣，由腳影到上頭，但唯獨睇唔清沙贊個樣，現場環境十分黑暗，連沙贊本人都話：「點解會咁黑口架？開返盞燈好喎！」而網民就話片方想貫徹DC超英片的「暗黑」風格，真係黑到連樣都睇唔到。

除了原有角色回歸，今集仲有奧斯卡影告海淪美雲（Helen Mirren）及華裔女星劉玉玲（Lucy Liu）加盟，齊齊飾演反派角色。