由何超儀、陳子聰聯合監製，金球獎影帝Jonathan Rhys Meyers與何超儀等主演的史詩式傳奇電影《Edge of the World》，今年6月於美國上畫後獲得相當不俗成績，近日獲荷蘭New Vision International Film Festival提名「最佳電影」，正當她準備接受媒體訪問公布喜訊前，突然收到大會越洋電郵，告知因歐洲疫情肆虐，影展被迫取消。

超儀接受好友杜如風訪問時無奈表示：「呢期絕對係又紅又黑，紅黑二事一齊嚟。好似好紅，因為拍咗啲西片，啲西片紅，因為入咗幾個影展，但我黑，因為啲影展一個一個取消。我同啲獎項總係有緣無份，上次憑《維多利亞壹號》得西班牙錫切斯『最佳女主角』都因為工作無親身領獎，今次一提名就被取消，連落場比賽都無，希望下年疫情消失，影展會復辦。」《Edge of the World》另外入選明年1月舉行的孟加拉電影節觀摩影片，可角逐「觀眾最喜歡電影」，何超儀笑言：「暫時仲未被取消。仲有希望！我真係想去孟加拉啊。」