《深宵閃避球》鄭伊健新戲10月上畫　先導海報邊個慘食波餅？

由鄭伊健、周家怡、錢嘉樂、李靖筠（Gladys）、「Dee姐」陳海寧（Isabella）主演的新戲《深宵閃避球》，今日在社交平台發布首張宣傳海報，只見一位演員被波餅省中，更寫上︰「波餅唔怕食，最怕係消極」相信會是套大賣熱血青春的電影，暫定10月上畫。

電影率先發布先導海報，見有人慘食波餅，玩過閃避球的都知，食波餅是該運動的基本，而據知海報中食波餅的正是周家怡。電影除了有主角鄭伊健和錢嘉樂，仲有力谷幾位影壇小花，包括李靖筠、陳海寧、雲浩影以及鍾雪瑩，在開鏡接受訪問時，鍾雪瑩講到該運動在香港都有好多朋友玩過，但就較少人知道原來閃避球都有港隊，會派代表去外國參賽。

其實一眾演員都表示事前完全唔認識閃避球，陳海寧：「開拍前練咗個多月，有港隊同埋專業隊伍幫我哋特訓，一星期練三、四日，一次兩至三個鐘，瘋狂練波時大家都瘦咗好多，不過早前開夜大家又成日食宵夜就肥返喇！」李靖筠都講到大家主要練習基本功、傳波、力度控制、腳法，現時都算頗有默契，雲浩影直言大家已經學到好專業。