周星馳自開設IG後，相當活躍，繼公開召募人才，又出Post問大家最想在元宇宙見到哪一個角色，而當阿Sa蔡卓妍都有留言時，更引來星爺親自回覆，相約埋食糖水。

而今日（8/11）星爺再出新Post，今次是為群組徵名。「斧頭幫唔收我，我就另起爐灶！一人一個名，我個社群叫乜好?#CreateWithStephen」立即引來網民發揮創意，而且大部分更與星爺舊作有關。

最多人提供是「星字頭」，這是來自《逃學威龍》黃一山幫星爺起的字頭。另一提議的是「Mike Chan Club」，是《逃學威龍2》中冇見樣的「縮骨遮」。又有人提議「懦夫救星」，來自《破壞之王》，其他提議還有「星 bar hut」、「東淫西賤南咸北濕」、仲有人指起名要人幫，不如就叫「要人幫」。