電影界殿堂級攝影器材品牌ARRI，邀請到資深導演柯星沛為短片作拍攝，柯導更找來蔡思韵作無聲演出，作為香港區代表兩人表示興奮。

蔡思韵：「對於今次能參與拍攝當然開心啦，不過緊張過平時拍電影，現場每次鏡頭拍攝完成，我都第一時間會去睇playback，因為今時今日觀眾已經發展到用好高質素嘅顯示器去睇戲，演員喺鏡頭前真係原形畢露。今次仲要負責去試新鏡頭，拍之前嗰日早晚敷了一個面膜，務求達到最佳狀態。拍攝過程都幾好玩，好似旅遊大使咁喺香港海旁拍夜景，喺鏡頭內睇到香港嘅夜景真係好靚，希望世界各地嘅朋友都睇到我哋嘅靚靚維港啦！」

即睇ARRI鏡頭下的Cecilia精緻劇照：

柯導表示：「很高興能同Cecilia蔡思韵一同參與拍攝ARRI短片…我哋作為攝影師……一直都會留意市面上有那些新科技產品，去改善拍攝電影嘅質素，尤其希望有一種濾鏡能夠豐富畫面，突顯鏡頭前，演員的表情同演出。」