【宋宋CP結婚】光洙朴寶劍讀信彈琴 Running Man成員到賀
撰文：黎嘉穎
出版：更新：
結婚喇結婚喇！宋仲基宋慧喬今日終於結婚喇！（網上圖片）
到了到了！倒數咁多日今日終於來到韓國神劇《太陽的後裔》宋仲基宋慧喬（宋宋CP）結婚的大日子。一對新人對於婚禮所有事宜一直保密，不過亦避唔過有小道消息流出。早前就有消息指宋仲基宋慧喬邀請了250個賓客觀禮，除了雙方的親朋好友之外，劇迷最關心的梗係有邊個韓星紅人出席。
宋仲基老友光洙（左）同朴寶劍（右）落實會到，仲有任務在身。（網上圖片）
宋仲基宋慧喬出了名在圈中多朋友，第一批預計會出席婚禮的相信一定是《太陽的後裔》一眾台前幕後拍檔，據知編劇金恩淑、導演李應福、金智媛、玄朱妮、晉久、金玟錫等人都有收到邀請，相信九成九都會出席。而宋仲基的好兄弟李光洙及朴寶劍已經落實會出席，仲會分別擔任鋼琴伴奏及讀信兩部分，至於其他好兄弟包括趙寅成、車太鉉、林周煥相信一定會出席。至於宋慧喬，當然唔少得死黨劉亞仁同玉珠鉉，後者早就講過會在婚禮上唱祝賀歌，而劉亞仁亦都落實會同光洙一齊讀信，劉亞仁拍光洙呢個組合，其實都幾新鮮。
宋慧喬老友劉亞仁（右二）都會出席。（網上圖片）
宋仲基宋慧喬在圈中大堆好友，相信現場一定會星光閃閃。（網上圖片）
【宋仲基宋慧喬】下14星期就結婚！ 宋宋CP行街仲要帶住「電燈膽」
講到光洙，都不得不提下節目《Running Man》一眾成員，宋仲基早年曾是《Running Man》的一份子，同其他成員亦尤如家人一樣，今日宋仲基娶老婆，相信《Running Man》的成員亦會到場祝福。
宋仲基本來同《Running Man》一班人感情要好，相信今日《Running Man》成員都會前來到賀。（網上圖片）
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/