北上藝人公開自己小店營業額　每月賺呢個數獲網民讚勤力

蔡淇俊北上發展後有不少飲食生意，早幾個月轉賣雞腳，卻一度大呻生意差，直言蝕錢。早前回到定居地佛山成功開舖，由擺攤轉為開實體店。

原來雞腳實體店已經開張四個月，蔡淇俊最近拍片說：「舖租一個月係兩千八，而家請咗個阿姨一日上六個鐘，一個月係四千蚊，而家營業額一日係千零蚊左右。我哋啱啱開舖嗰時，一嚟係天氣凍，二嚟係差唔多過年，所以唔係一個旺季，有少少唔理想，陸續升溫之後生意就上嚟喇。」

有網民指，舖租加請人$6800，假設一日營業額為$1500，一個月有$45000，扣除舖租人工後剩$38,200，當燈油火蠟、雜費、成本等等因素再扣除一半，還有$19,100，如果蔡淇俊自己間中駐舖開工，一個月依然可以賺5位數。不少網民大讚蔡淇俊勤力，當演藝事業未有工開時，不會坐以待斃，而是靠自己的頭腦與手腳搵錢，用副業維持自己追夢的心。

當然，蔡淇俊的飲食生意版圖並不只有雞腳店，亦有親力親為打點的咖啡店，他曾鼓勵大家：「努力唔一定會發達，但係一定唔會餓死。」難怪得到網民讚賞。