婚後事｜歐明妙為少女版悅悅減磅 預告有床戲但未敢挑戰更激
撰文：鄺鈺瑩
出版：更新：
歐明妙飾演少女版悅悅。（陳順禎攝）
歐明妙在《婚後事》中飾演少女版悅悅，今午她出席劇集宣傳活動時，提到自己在15集閃現已引起網民討論，她表示之前已經有人估少女版由她飾演，但無估過有此討論度，歐明妙又話因為小悅悅（鄭淽月）做得太好，搞到自己有壓力。
羅子溢、陳自瑤、鄭淽月一家三口齊宣傳《婚後事》。（陳順禎攝）
提到劇集進入結局周，歐明妙劇透將會有一集以悅悅視角去睇父母關係，亦有大學生活。「有kiss戲有床戲，我feel到對手有啲緊張。（拍攝前有無刷好多次牙？）其實我無，我見其他人有，同埋我拍嗰排食得好清淡，因為監製要我減磅，因為大學造形啲衫都幾貼身。」問到身為TVB「御用學生妹」嘅佢夠唔夠膽挑戰激情戲，歐明妙就話：「都係大少少先啦」。對於有網民認為劇集教壞小朋友，歐明妙認為《婚》比較適合心智較成熟嘅觀眾收看，而她身邊唔少朋友睇完都表示有共嗚，大讚劇本夠貼地。