COLLAR遊台灣遇地震勁驚青　Day日日掃夜市嫌食唔夠

COLLAR成員王家晴（Candy）、許軼（Day）、（蘇雅琳）Ivy So同樂隊Pandora今日出席馬場活動，Ivy自認係臭手，為免影響大家，所以打算做「燈神」。問到COLLAR中邊個最有財運，Day表示從未試過一齊打麻雀，有機會都想試試。早前Day同Ivy So喺台灣時經歷地震，Day表示當時即躺到檯底，但由於一直有餘震，所以都十分不安。

留喺台灣9日，Ivy So同Day專程去學潛水，仲考埋牌，她解釋：「因為我哋出發前3日先買機票，所以好臨時，我自己係想去潛水，Day又話要跟，咁就一齊。（有同恆仔食飯？）係，佢咁啱我離開前一日到，所以就一齊食飯。」除咗潛水外，Day每日都行夜市，但由於剛剛結束演唱會，食量未回復水平，所以略嫌食得唔夠。