拍檔廚房｜蕭正楠上愛妻黃翠如節目施展拆蟹功：我哋未煮過蟹
撰文：吳子生
出版：更新：
蕭正楠今日（21/5）以嘉賓身份現身將軍澳電視城亮相愛妻黃翠如有份主持的無綫新節目《拍檔廚房》錄影。黃翠如受訪時表示：「其實我知有唔同嘅嘉賓會拍唔同嘅廚師，就好似滕麗名咁，佢係好勤力，係好早之前，佢為咗呢個節目特登搵師傅學刀功去起雞殼，仲買咗好多隻雞返去練，相反蕭正楠佢就係隨意派。」
蕭正楠以嘉賓身份亮相由老婆黃翠如主持的無綫節目《拍檔廚房》。（梁碧玲攝）
蕭正楠接著說：「其實我份人比較縮係咁，吓縮吓咁又搞得掂喎，而今日我就準備煮蟹，將啲蟹起肉然後拎去炒，我諗佢係未見過我拆蟹。因為佢鍾意食蟹柳，咁所以過往我哋冇喺屋企煮過蟹。不過今次煮過一次蟹之後，我諗佢日後都會有蟹食，因為佢知道我識拆蟹。」
黃翠如節目中施展拆蟹功。（梁碧玲攝）
蕭正楠表示未煮過蟹。（梁碧玲攝）