冼靖峰遇電騙被洗腦家人揭發質疑對方身份起爭執：我哋拗咗成晚
撰文：吳子生
出版：更新：
冼靖峰（Archie）今日（23/5）現身將軍澳出席無綫節目《警聲百二秒II》錄影。對於電騙手法層出不窮，Archie受訪時透露多年前差點中伏，幸好家人及時制止避免受騙：「好記得嗰陣時收到個自稱係海關打來嘅電話，話我有件包裹出現咗問題，要求我跟佢個程序指示去做，佢吩咐我要提供個人資料先，於是我就準備個人資料。」
冼靖峰今日現身將軍澳出席無綫節目《警聲百二秒II》錄影。（梁碧玲攝）
同場有李家鼎。（梁碧玲攝）
Archie續說：「就喺我整理緊個人資料嘅時候就俾Daddy發現咗，然後佢就問我仲乜事，我就講俾佢知，點知Daddy就同我講呢個係電話騙案嚟，叫我唔使理佢，仲強調話我唔理佢，佢第日就唔會再打嚟，但我當時深信呢個電話係真，雙方就為咗呢個問題，拗咗成個夜晚，我仲話佢，如果佢係真海關會點算。點知到第二日，我冇做到佢哋要求嘅嘢，佢哋真係冇再打嚟，嗰刻我就相信我Daddy講嘅嘢係真。」
冼靖峰透露多年前險被受騙。（梁碧玲攝）