熊黛林直播帶貨賣bra　狂推鋼圈款：下垂真的很難看

熊黛林近年不時喺小紅書分享日常保養、個人搜包，甚至是美姿美儀亦大方share，成功吸納內地粉絲。內地嘅「618年中購物節」將至，熊黛林日前率先做一波帶貨直播，見佢直播時雖然不時咳嗽，但都十分專業，推薦一款深V無痕內衣時，全程bra不離手。

熊黛林大推呢款內衣「又薄又可以聚攏（Push Up）」，仲不停以手勢去形容有幾push，又透露自己夏天多數穿無痕內衣，並建議大家一定要揀有鋼圈嘅內衣。「也不關胸大胸小的問題，胸大胸小也會下垂，下垂真的很難看，整個人老很多，而且被親密的人看到真的會沒有那麼好、不開心的，他不開心你也不開心⋯」真係好有道理咁喎，最重要係呢個無痕內衣都只係109人仔，連百億新抱都大讚，粉絲一定要入手喇。