周吉佩新歌MV女主角勁吸睛 爆老婆親自揀：要經我老細先可以拍
撰文：吳子生
出版：更新：
周吉佩（吉吉）今日（8/6）現身奧海城出席《TVB全城迎奧運》啟動禮。提到新歌MV《Falling for you》中的女主角樣貌標緻勁吸睛，加上二人有親密互動接吻場面，即引起網上熱話，有網民更抵死留言「一吻傾情」、「吉吉老婆知唔知」、「佢返去屋企實冇運行」。
吉吉接受《香港01》訪問時笑言：「其實MV入面個女主角，係我老婆親自揀㗎，唔係我話事㗎。之前收到幾個人選嘅相片，然後經我老婆篩選出嚟，你明啦，我要經過我老細先可以拍㗎嘛。不過講真MV個女主角，個樣係好有性格嗰種，係完全係好符合呢首歌先會揀佢嘅。（當中有親熱鏡頭，你要求？）咁梗係唔係我啦，呢啲係導演要求，我點敢呀！（老婆有冇監場？）佢不嬲都唔理我呢啲，佢費事見到眼冤，哈哈！」