【打工捱世界】楊明被彈教壞小朋友:睇節目學唔到英文唔好意思 

撰文:
最後更新日期:

由袁偉豪同楊明主持的打工真人騷《打工捱世界》,去年到印度初嘗做打工仔滋味,連司機、老師同洗衣工人都做埋。今年TVB食過翻尋味,開拍《打工捱世界2》,日前播出的第1集兩位打工達人就到非洲坦桑尼亞做外賣咖啡仔同健身教練,可惜反應就好似麻麻,觀眾尤其對兩位主持的英文不敢恭維。

英文已不是重點,你懂的.....

+3
+2

網友的留言...

日前播出的第1集兩位主持就到非洲坦桑尼亞做外賣咖啡仔、健身教練同做beach boy賺錢。但有不少家長就在討論區投訴話節目完全不適合小朋友睇,「因為袁偉豪同楊明的英文實在太差,好驚小朋友睇完會學佢地講英文」,有人還嚴重到說今次節目是反面教材,「讓小朋友知道,細個唔讀書,大個身形操得幾fit, 著得幾型,一開口冇料到就大打折扣。」睇到這些留言都真係幾毒舌,真係想講返句「放鬆吓啦香港人」。

楊明承認自己英文不太好,但主要希望觀眾睇到個節目係輕鬆下。

而主持之一的楊明接受《香港01》電話訪問時表示,今次主要是輕鬆娛樂性較強的節目,「如果觀眾睇到我地嗰節目學唔到英文嘅話,真係唔好意思。」而他亦承認自己英文不好,「我地英文真係唔係太好,但我地真係盡力做架喇。」他透露對於這些留言不介意並指自己下次會更努力。提到有人指袁偉豪在節目中打工勤力過楊明,楊明就表示,「如果兩個都一樣咁勤力,效果出嚟感覺會好悶,我懶散啲hea啲,其實都想俾觀眾輕鬆下。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。