BOB林盛斌中學舊照曝光曬濃密秀髮　完全凍齡有人話撞樣張智霖？

俗語話「十個光頭九個富」，娛樂圈出名的光頭男藝人必然數到Bob林盛斌，由電台到電視到電影，開製作公司便利店，周身刀張張利。近日他上載一張中學照片，凍齡外貌加濃密秀髮引起哄動。

又圓又大的光頭配上圓形眼鏡，已成為Bob個人標誌，他指自己定時定候會剃髮成「超級短嘅skin head」。原來中學時代Bob髮量甚多：「其實個樣同而家冇乜分別，只係有頭髮，印象之中，應該係讀中四中五左右嗰期。𡃁仔扮大哥就係呢啲，着恤衫扣少兩粒鈕要見到個心口，要俾人睇到戴條金鍊加個牌好似撈得好掂咁，再手指尾戴隻戒指唔知為啲咩。你有冇試過？」跟現時樣子沒有太大分別，不少人大讚他凍齡有術，更竟然有人覺得阿Bob有幾分像張智霖。