粵語片年代小生杜平驚傳離世，與杜平大半世紀的胡楓今日接受《香港01》訪問，表示剛收到消息，心情亦非常難過，胡楓說：「剛知道，梗係唔開心，好朋友離開自己。」

杜平移居澳洲多年，與老朋友雖然分隔兩地，但仍一直保持聯絡。胡楓透露兩、三星期前仍與杜平以whatsapp互相問候，胡楓說：「我哋每星期都會whatsapp、傾電話啦，佢耐唔中會問候我，我又問候佢，佢份人好風趣、有人情味，知道佢一直唔舒服，但乜病就唔知道，佢都好想返嚟（香港），但唔舒服一直冇返。」

有「EYT之父」之稱的蔡和平回覆《香港01》則說：「剛收到佢屋企人嘅消息，我好sad，聽到杜平pass away（離世）。He just a good man......is very sad today.因為真係good friend,very very sad.」。