後生仔女最鍾意開心share，出街食飯必定是相機食先，然後在Facebook、Instagram等同朋友分享，至於情侶就當然不少得Post相放閃，還有不少美少女會放自己的大頭靚相，甚至有性感泳衣照，當然她們大都會有私隱設定，即是朋友或者指定人士先可以睇得到。但近日ig卻有一些帳號，內裡Post了大量大膽惹火的性感照片，卻不約而同看不到事主的樣貌，由於完全冇set私隱，令一班好奇的巴打紛紛追蹤，希望有日睇到事主的真身，如此吊癮的手法，講到尾原來是一盤生意。

這些看不到事主樣貌，卻有性感照片的Instagram帳號，原來作用是給客人睇辨。近日一份少女ig賣相價目表在網上瘋傳，內容是提醒客戶有一個新Plan，而且分為「圍裙Plan」、「死庫水Plan」、「生活Plan」等，雖然設有不同主題，但講到底其實只是「掛羊頭、賣狗肉」，每個Plan都是包含了一批性感相片，以「圍裙Plan」為例，500元包15張相、1張裸露相及一段女性聲音，由於看不到相中人樣貌，令網民懷疑並非真人，甚至是男人假扮，隨時中伏。但在各種Plan以外，還有一個追加項目，讓買方要求指定動作，價錢當然是隨動作難度而升級。

少女ig賣相價目表全文：

少女在ig上販賣自己的性感照片，甚至當作一盤生意，有Plan、有優惠，加上不用出樣，道德感無疑是大幅降低，尺度亦愈益過火，忽視了這始終含有色情成分，將來隨時後悔莫及。在ig有不少粉絲追隨的簡淑兒，對於有少女在ig賣相甚為驚訝，她接受《香港01》訪問，「真係未聽過。係咪犯法架？又唔知年紀，買相嗰啲都有問題啦。你都唔知係乜嚟嘅，可能求其上網搵啲相。(是否覺得該名少女很有問題？)用社交平台做色情嘅嘢，梗係唔啱啦。唔關男仔定女仔嘅事，呢件事本身已經係唔好。」

都市人已經離不開網絡世界，Facebook、Instagram更是佔去了年青人不少時間，色情資訊亦相繼在網絡氾濫。簡淑兒無奈道：「平台唔同咗囉，以前啲人會去買寫真、買碟，有啲實物，依家就移師咗去網絡世界，上網已經睇到好多嘢，而且網絡嘅世界其實好多小朋友，俾佢哋睇到都唔好啦，呢個係監管嘅問題，或者做家長嘅要小心啲。其實大家唔好去買呢啲相，冇market呢樣嘢就生存唔到啦。」

少女兜售自己的性感相片，而且不乏裸露的畫面，但原來買賣雙方是否犯法，要視乎年齡而決定。梁永鏗律師表示：「首先賣方自己要成年啦，之後就要睇佢啲相嘅尺度，但佢放上網嘅相冇裸露，而其他只係佢哋嘅私下對話、買賣，等於Whatsapp講猥瑣嘢，係私人交往，就唔會犯法。但如果買方係18歲以下，就要考核下對方係咪18歲，(要確定買家成年？)唔使確定，問佢係咪就得，等於有啲網站都會問係咪18歲先可以睇。但如果相片嘅人係16歲以下，無論係製作、擁有、發放兒童色情物品，買同賣都係犯法嘅。」網民一直談論賣相少女的外形，卻完全忽視了年齡問題，隨時觸犯法例，其實社交平台都係用來交朋結友，這些涉及色情的資訊，還是避之則吉。