黃建東失落入唔到萬千男飛躍10強　自爆參加21公里半馬勁緊張

黃建東前日（9日）出席「TVB 職藝員聯歡晚宴 2025」，他接受訪問時稱自己比較少抽獎運，之前台慶抽獎抽中已經好開心。他又透露即將舉行的《萬千星輝頒獎典禮2024》，並未順利入圍男飛躍十強，並表示：「我有少少唔開心，但都唔會放棄！」他指正在忙於拍攝新劇，角色方面主要演法官。

被問到是否希望新一年人工有所調整，他笑言：「我都想加人工，啱啱都有講論功行賞，我都有好多表現㗎！」他繼續指正在寫廣告歌。講到今年另外一項大計，他分享即將會參加半馬馬拉松跑21公里，他說：「今年我報咗半馬，之前我就足底筋膜炎，就冇全力去練，最多淨係跑10公里，剩返一個月嘅時間就要臨急抱佛腳去練習勁緊張，我參加完就希望可以突破自己，同埋幫手減肥，我聖誕節已經肥咗10磅，所以我好驚。」