連詩雅母女高燒病足一星期 半歲大女兒燒至40度︰我嚇到不停喊

撰文:洪曉璇
出版:更新:

近來流感肆虐,天氣反覆加上冷鋒來襲,市民染病機率大增,病毒傳播風險增加,家有幼童更加要留神。連詩雅去年7月為陳家樂誕下囡囡陳星頤,豈料首個新春齊齊病倒,半歲大女兒更一度燒至40度。

連詩雅產女近2個月堅持餵母乳 目測儲逾300包人奶打爆冰櫃﹗

連詩雅陳家樂與囡囡陳星頤一家三口不時曬幸福。(IG:@shi_ga)
連詩雅陳家樂與囡囡陳星頤一家三口不時曬幸福。(IG:@shi_ga)
連詩雅常為囡囡陳星頤扮靚。(IG:@shi_ga)

BB第一年過新春,通常都會扮靚到處拜年感受氣氛,但連詩雅新年幾日都未有更新社交網,原來兩母女整個假期都病到要閉關留家度歲:「消失的新年。。。今年年初一一起身,我同個女一齊發燒,我就38.7度,我個女就39.2度。雖然話BB發燒,好小事,可能出牙,長高 之類之類,不過佢人生第一次發燒,加上我都幾肯定應該係我傳染個女,因為我之前嗰日已經開始咳得好勁。雖然我都有同佢保持距離但係都係避唔過。同日嘅下午佢直頭燒到40度,我已經嚇到不停喊,陳生9秒9車我哋去急症,好彩檢查唔係流感只係普通感冒,返到屋企食藥咁就過左3日。。。」

原來新春期間連詩雅病足咁多日。(IG:@shi_ga)
原來新春期間連詩雅病足咁多日。(IG:@shi_ga)

短片中見到星星坐在床上聽媽媽唱歌,不時露出甜笑又懂得擊掌,相當可愛亦終於病好,令SHIGA放下心頭大石:「我哋兩個都好似昏迷咗三日咁,淨係起身食藥瞓覺,最後我哋喺屋企渾渾噩噩咁就過咗個新年。呢兩日先開始回魂🥲😅所以話新嘅一年乜都係假,總之就身體健康開開心心食得瞓得,就已經好感恩。#咁就喺屋企過左7日😆😅#辛苦陳生照顧我哋兩個#邊度都冇得去🥲#希望我哋一家今年都健健康康#阿女終於精神返」

星星坐在床上專心聽媽媽連詩雅唱歌,精神已經好好多。(IG:@shi_ga)
星星坐在床上專心聽媽媽連詩雅唱歌,精神已經好好多。(IG:@shi_ga)
星星坐在床上專心聽媽媽連詩雅唱歌,精神已經好好多。(IG:@shi_ga)
星星與媽媽連詩雅HI FIVE非常可愛。(IG:@shi_ga)