49歲視后佘詩曼，憑住2023年熱播的無綫台慶劇《新聞女王》入面飾演「Man姐」一角，成為了劇迷的焦點，人氣急升大受歡迎，更憑該角色第三度奪得視后寶座。佘詩曼Job接Job不斷，不忘抽出時間與契女食飯。日前佘詩曼曬出與契女聚會照，凍齡到驚似兩姊妹。

佘詩曼分享與契女食飯照片，契女眼大大五官標緻，相當靚女。佘詩曼一向保養有道，連李施嬅都指佘詩曼似家姐，唔似契媽。佘詩曼發文指，契女由澳洲回港，特意抽空與她食飯，仲鍚爆陪契女食Pancake。佘詩曼本猶豫要不要飲咖啡，但契女指：「想飲就飲啦，我而家唔理㗎，總之我好想 做一件事，或者食一樣嘢，我話知佢肥唔肥，我都照食咗先，滿足咗自己先，開心咗先！」令佘詩曼感嘆要及時行樂、活在當下。