33歲的女星曾淑雅（Jumbo），育有1歲多的囝囝Kobe，一向愛做瑜伽運動的她，保持著纖瘦身材及馬甲線，完全不似曾經生育，得天獨厚，令人羨慕。不過剛剛操出腹肌不久，Jumbo又宣布懷上第二胎，近日她分享大住肚做瑜伽的短片，全是高難度動作，她就表示對懷孕婦女特別有幫助。

Jumbo一邊做腿部及盆骨運動，並表示「相信好多人會覺得，啱啱修完身就有咗，好似白白浪費咗咁！其實絕對唔會浪費嘅，因為第二胎本身想生都只會係遲或早嘅事，加上只要身體修復得好，對於陀下一胎絕對係好事嚟架！另外成日聽都話第2胎會容易大得好快，除咗胎嘅大細同羊水嘅多少影響！腹橫肌有無足夠承托力都係其中一個原因，今胎可以驗證一下，之前努力恢復鍛鍊有沒有成效啦！而隨住寶寶日漸長大！子宮就需要更良好既支撐！」Jumbo信心爆棚，大家不用為她擔心。