47歲嘅伍嘉文自06年起開始喺無綫擔任《交易現場》主持，其後亦有主持無綫收費電視節目《港股評述》及《香港交易所》，而近年嘅《財經大事回顧》亦是由伍嘉文負責，身為無綫電視財經新聞編輯主任及首席主播嘅伍嘉文，因每次做節目都準備充足，加上經驗豐富而深受觀眾喜愛。

不過，近日網上流出伍嘉文與一眾現役與舊同事王瑩、鄭瑩、李寶善等人嘅飯局照片，並寫上「伍叔，一切順利」，再加上股評人譚朗蔚上月發帖「最後一次同伍嘉文做節目」，另一帖文則是與伍嘉文合照，並指知道伍嘉文月底便會離開，接受新的挑戰，自己作為拍檔相當不捨，但作為朋友卻會祝福他。而網友亦大感不捨，留言表示：「伍嘉文都要走，以後無線（綫）財經失色了」。