現年60歲的「細龜」黃一山以演出星爺的電影而闖出名堂，他與老婆近年主力從商，同時積極經營社交平台。他最近在抖音平台分享當年在2003年離開香港轉戰內地發展辛酸史：「因為2003年香港出現非典，經濟非常差，所以我就嚟到內地，但作為一個香港人來到內地，我就選擇嚟到廣州住，因為廣州講廣東話，但係我冇人脈關係，要嚟呢就係不斷打拼」。

黃一山憶述當時的職業生涯：「首先就去到電台嗰邊工作，嗰陣時一個鐘做一個小時嘅直播節目，先拎到每日一百蚊，一個月先有三千蚊，但我都要做，因為嗰個節目有關於餐廳，認識咗好多餐廳嘅老闆，所以我嘅人脈關係就喺餐廳老闆嗰邊打開，後來慢慢認識內地嘅經理人介紹我去工作，之後就繼續演出同埋繼續拍電視劇，其實我而家諗返起2003年到而家，22年時間一眨眼就過去，如果唔去出邊嘅世界闖蕩，就唔會知道呢個世界幾大，但一定要有心理準備，因為你係一個新人，所有嘢都要重新出發。」