萬人迷碧咸(David Beckham)喺社交網站po咗張相，見佢坐喺室外低晒頭對住一啲嘢，然後留言話自己好迷惘，究竟有啲乜令到佢咁困惑呢？

原來佢砌緊一副超巨型LEGO模型，係近期好hit嘅迪士尼城堡呀！碧咸揭開製作說明書，對住超過4,000件膠磚、490頁嘅說明書好頭痛咁話：「I look confused but I’m so excited」（我看來很迷惘但我感到興奮）。佢更將盒入面嘅組件全部攞晒出嚟，鋪喺兩張長椅上面，唔知佢要用幾耐時間至砌得完呢！好想睇下製成品喎！

呢盒LEGO係依照迪士尼樂園城堡設計，有成4,080件組件，附有卡通人物包括米奇、米妮等，網上售價大約為350美元，香港都有得賣，而佢本說明書真係有成吋厚，唔怪得碧咸都搲晒頭啦！