狄龍仔世襲演新版《包青天》 展昭變張振朗:12月會開拍

撰文:
最後更新日期:

唔經唔覺2017年又過了一大半,雖然大家睇電視先剛開始睇TVB 50年台慶劇,但其實好快TVB又要舉行2018年節目巡禮。據影視劇評人游大東透露,明年TVB將翻拍經典古裝劇《包青天》,當然飾演包青天嘅就唔係狄龍喇,而是佢嘅仔仔譚俊彥。至於展昭就找來張振朗飾演,張振朗接受《香港01》電話訪問時就表示,「我係收到消息話做嘅,應該就12月會開拍,我相信應該有好多人都會覺得好奇怪點解係我做,雖然我都唔清楚原因。」

何家勁做展昭做到深入民心,唔知觀眾又會唔會鍾意張振朗呢?

+5
+4
+3

1995年TVB就拍攝自家製《包青天》,但就無引起太多轟動。

張振朗表示小時候好鍾意睇《包青天》,「一講展昭,都知大家一定會想起何家勁,我都好鍾意佢,其實之前拍到內地《Amazing Summer》,佢都有招呼我們,好開心認識對方,估唔到今次有呢嗰機會做。」睇返資料,張振朗其實甚少拍攝古裝劇,佢都認同,「入行咁耐,我印象中只係做過2套古裝劇,所以而家我都開始練緊劍。」另外,我們亦有致電過譚俊彥求證,但他就表示,「而家唔方便透露,等TVB公佈。」

已經65歲嘅金超群近日就以包青天形象,出席好友新店開幕。

今年與TVB簽約嘅譚俊彥將飾演包青天,其實佢爸爸狄龍1995年都有做過,原來包青天都有世襲制。

其實《包青天》一開始是由台灣電視台於1974年開始拍起,但最為人熟悉的卻是1993年的版本,該劇由台灣演員金超群飾演包青天,據知當年原本只是拍攝15集,但劇集出街後收視率極高,因此不斷延長故事,最後共拍攝喇236集,算是長壽劇嘅先河。

同年,TVB就購入播映權,同樣都錄得超高收視,掀起了一陣「包青天熱潮」到1995年TVB就自家製拍攝《包青天》,監製莊偉建就找來狄龍及黃日華分別飾演包青天同展昭,但話題就無台灣版咁轟動。但2018年的《包青天》演員雖然起用一班新演員,但監製就繼續找來莊偉建,唔知相隔23年嘅會係點呢?

 



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。