胡歌林更新其實點分？ 小肥C君快必最似樣
撰文：黃朗鈞
出版：更新：
依個係胡歌定林更新。（網上圖片）
娛樂圈撞樣的情況見怪不怪，最近有網民翻炒一張胡歌2004年的舊相，當時胡歌正拍攝經典遊戲改編的《仙劍奇俠傳》，順勢為遊戲站台，出席稱為中國E3展的ChinaJoy遊戲展，但當大家第一眼望落去的反應竟然係：「這個是林更新嗎？」而唔係：「胡歌當年的樣貌真清純！」這種反差一下子掀起微博熱搜風潮，仲上埋熱搜榜第一位，兩位男神的魅力認真厲害。
《仙劍奇俠傳》時候的胡歌同林更新好似樣。（網上圖片）
其實，胡歌同林更新似樣並唔係咩新鮮事，早在林更新啱啱出道之時，已經有網民發現二人超似樣，當年更新憑《步步驚心》走紅，但並未係一線明星，出街仲未會被人認得出，但果陣胡歌已經憑《仙劍奇俠傳》爆紅，早已家喻戶曉。
林更新依個角度超似胡歌。（網上圖片）
所以當時林更新去超市買餸，排隊果時會被啲客人圍觀，細細聲討論究竟佢係咪胡歌，自此之後網民們都會係微博叫林更新做胡歌，令佢留下咗一段慘痛的心理陰影，直到近期更新仲自嘲，係胡歌讀書時候的舊相，留言話：「我是不是穿越了，怎麼你少時候這麼眼熟！」
林更新唔係第一次被人當係胡歌。（網上圖片）
網民更經常嘲笑他。（網上圖片）
不過娛樂圈撞樣的情況見怪不怪，最經典的莫過於哈林同庾澄慶，當年《中國好聲音》第一季啱啱開播，大陸對網民係台灣發展開的庾澄慶不太熟識，就係微博開post問：「你們有沒有發現《中國好聲音》的哈林老師和台灣的庾澄慶很像？」就係咁令經典的笑話誕生。
其實哈林同庾澄慶要點分？（網上圖片）
+1
除咗哈林同庾澄慶呢對「親兄弟」之外，小肥、C君、快必，同樣係失散多年的「兄弟」，當年網民為咗搞清點樣可以認清三兄弟，就借龍懷軒的經典台詞，作咗段簡而精的說明錄：我自己就叫做「C君」，日頭一個唱歌就叫「小肥」，夜晚做電台就叫「快必」，有一樣嘢我比人地叻嘅就係我識分身，但係我都同其他人一樣，我係怕分不清楚我位置，我都希望每一個人都記得三個人係同一個我嚟㗎 。不過以上都係網民惡搞的玩笑，大家記得出街見到明星本人，要叫返人地的真名，唔係會搞到好尷尬。
比起哈林同庾澄慶，快必、C君、小肥就有網民作的一首詞，易搞好多。（網上圖片）
+3