河國榮上內地節目扮秋官唱《笑看風雲》 「首歌我練咗一個月」
撰文：林迅景
出版：更新：
節目主仲讚河國榮好代表到香港人精神添，勁威。
河國榮的警察形象一直深入民心，就連近期網劇《反黑》中也是扮演警察角色。不過，河國榮除了演技了得之外，唱歌亦都是他的強項之一。繼Netflix邀請他拍攝宣傳片之後，今次更加北望神州上內地節目唱歌。河國榮接受《香港01》訪問時說：「今次係佢哋（東方衛視）經微博搵我上去唱歌。」原來今次東方衛視的製作的綜藝節目《唱響中華》，每集都會邀請各國人仕上去唱中文歌，當然我哋香港代表就有河國榮啦。（有眼光！）
真係好好聽。（影片截圖）
節目開頭就是一段河國榮的演藝簡介，還好主持們對他甚有印象：「是不是專門演警察的那個？一上台那個氣場就是不一樣。」這時候河國榮回答說：「在TVB的時候，拍了那麼多套都是跑龍套。可是我現在變成最強大的老外跑龍套。」之後河國榮就在台上唱了一首《笑看風雲》。他接受《香港01》訪問時說：「首歌是製作單位幫我揀，我差唔多用咗一個月時間去練熟。因為一緊張又冇mon睇住就好易會甩字。我自細就開始唱歌，要練到唱得有音樂feel同埋有節奏。」
上到去仲有工作人員講解。
訪問中問到河國榮會不會借這次機會而北上發展。河國榮回答說：「上內地發展就困難啲，因為我本身唔飲得酒。1杯啤酒都仲OK，2杯就唔得啦。冇理由去酒吧唱歌，老闆叫你飲酒你話唔飲得㗎。所以呢啲錢我寧願唔賺，起碼個人健康啲，開心啲。商場show，節目嗰啲就得，party嗰啲就難啲。自己本身都有啲朋友唔係好夾，因為唔飲酒埋唔到堆。本身都唔係好鍾意飲酒，同埋都對個心臟唔好。」
睇下河國榮幾專心採排。
+11