【反黑】招積受盡酷刑終變態殘殺火屎 張建聲:國內版剪咗!

撰文:
最後更新日期:

話咁快備受觀眾愛戴的網劇《反黑》仲有兩日就大結局喇,早前監製陳國坤早前接受訪問透露將開拍第二季將開拍。今晚將播出的第27集中,最精彩的一幕莫過於是大反派「招積」(張建聲飾演)與火屎在酒吧的一場戲,劇情講到當年火屎同招積關在同一個牢房,火屎因為當年被陳鳳翔送到監獄,將怨氣發到了陳鳳翔的手下招積身上,期間仲搵人玩招積包括火屎自己。今日(18日)張建聲(Justin)接受《香港01》電話訪問時透露,「我就用口將火屎兩粒眼珠吸咗出黎,再放係自己對手度,再擺係檯之後再行返去火屎度一齊慢慢欣賞粒眼珠,下半場食埋佢成個人,所以就搞到成嘴血。」

呢一幕大家要落足眼力睇!

+11
+10
+9

《反黑》有一幕是向電影《發條橙》致敬。

其中一幕招積就回憶起以前被人折磨的日子,當中就有一個畫面就是招積的眼睛被插滿針孔,「其實那一場戲是向電影《發條橙》致敬,中仔佢睇好多戲,所以佢想用呢部戲融入香港人製作的電影,就變中西融合。」講到咁血腥咁恐怖,記者就問佢怕唔怕劇集在youtube會被投訴?Justin表示,「我地唔諗呢啲,我諗小朋友12點後都瞓覺,同埋會網站會自動block未滿18歲的觀眾。我地都係拍戲,唔係想做到《恐懼鬥室》咁,只不過係我地明明拍咗一場咁用力嘅戲。而國內版本因為有刪剪,佢地都好想知當中發生咩事,更可況我地香港人,一定更加想知道。」

點解招積會成嘴血,咁就要留意下今晚《反黑》最新一集喇!

Justin透露劇組正構思與觀眾一齊觀賞大結局,粉絲要密切留意下!

提到第二季即將開拍,有傳會要求黃秋生,張耀揚及鄭伊健參演,Justin就話都有聽聞過,「你知喇,我又唔係監製,只係一個演員仔,呢啲要搞返俾佢地。但我可以同觀眾同支持者講好大機會係開,但坊間流傳的演員陣容就真係未可以公佈住。」嘩!有好大機會開拍《反黑》第二季,相信die-hard粉絲真係要萬勿錯過!

仲有幾日就劇集正式完結,Justin透露劇組正構思大結局當晚與觀眾一齊觀賞劇集,「係有呢嗰idea,都物色緊一個適合嘅場地,演員的檔期。我地係好想同觀眾一齊睇,都有收到好多message。相信呢幾日會有公佈,大家要留意下《反黑》嘅Facebook page!」
 



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。