自從《爸爸去哪兒5》開播至今，各位觀眾除咗鍾意睇陳小春鐵漢柔情的大反差外，亦被兩個萌娃界的小女神小泡芙同小山竹迷到眼都唔眨！不過唔單止觀眾被迷，就連萌娃之一的嗯哼都被她們的魅力深深吸引，開播至今不斷追着小泡芙，但叫咗嗯哼咁耐，大家知唔知佢又有個英文名呢？

一般大陸人會用返自己中文名相近的拼音做英文名，例如第二季陸毅的囡囡貝兒的英文名叫Belle，第一季張亮的仔仔天天的英文名叫TianTian，兩個人的英文名都係以普通話直譯成英文名，如此類推，嗯哼的英文名會唔會叫做Aha呢？終於係今期，嗯哼就自爆俾各位知佢的英文名係咩！

今期萌娃們要入渭陽古城出任務，係攤販中搵自己的名字，就係其中一檔畫糖的攤販前，Jasper搵到自己的英文名後，其他萌娃紛紛報上自己的英文名字，希望叔叔都可以畫自己的名字出嚟。當大家以為嗯哼會話自己叫「Aha」的時候，佢竟然話自己叫做Daniel，聽慣「Aha」的Jasper當堂窒一王，對叔叔更正話佢的英文名字是叫「Aha」，笑到大家停唔到口。

對於點解杜江改嗯哼的英文名做Daniel，而唔係Aha呢，佢係微博就話：「Daniel是媽咪霍思燕改的，她指名字是蘊含美好期望的，但期望是什麼？求你們別再問我了。」跟着就貼咗張吳彥祖（Daniel Wu）的相，粉絲見到都爆笑，留言「嗯哼媽的祕密被大家發現了」、「期待嗯哼跟吳彥祖一樣的顏值嗎？」、「帥過吳彥祖，媽媽的野心真大」。始終都係仔仔的名，咁順便就改做Daniel，好似唔係好代表到嗯哼的性格喎。