TVB無影轉戰IG自我宣傳？ 何雁詩：想抖抖，都唔係特登宣傳
今年4月與鄭俊弘戀情正式浮面的何雁詩（Stephanie），早前就有傳遭公司雪藏後患情緒病辭演《誇世代》，搞到TVB要臨時搵蔣家旻代替其角色。但其實早前Stephanie亦開始頻頻露面，好似早前為TVB節目《終極街頭魔法王》做主持人，仲因為一件低胸小背心成功引起網友討論。最近她亦密密更新Instagram，上載自己去做gym同打golf的短片，仲孖住一班巨聲幫、翟威廉 及好姊妹劉佩玥與網友開happy live，唔通係為「解凍」 做準備？Stephanie接受《香港01》訪問時就表示，「我係公司劇集同歌方面呢排就唔係好忙喇，但出年年初都會有歌架喇！」
提到近期Stephanie周不時都po出自己練golf的短片，她直言做咁多運動是為了放鬆自己，「我發覺面對傳媒同埋自己工作上有壓力，所以唯有等，我覺得最好嘅解決方法就係去返我以前打golf嗰心態，準備緊1月嘅比賽，所以就密密練golf。」 除了打golf釋放壓力，Stephanie表示最重要是與朋友多傾計，「同家人，姊妹Jeannie(陳瀅),阿moon(劉佩玥)幾個交心朋友一齊傾計好重要。」 她早前與男友鄭俊弘的戀情，成為了不少雜誌的封面人物，面對著不少傳媒的追訪，她當然有為此而不開心，「唔開心嘅comment好多已經已經無感覺，但見到有人話我唱歌唔好聽，因為我擺左好多心機去練歌，所以我會更加督促自己。」
有不少網友指Stephanie少了在公開活動露面，反而在IG頻頻po相，是為了保持自己嘅曝光率，她為此就解釋，「 social media平時都有做開，都唔係特登宣傳而做嘅。」暫時未有新歌推出的她，不時到 唱返兩嘴，Stephanie大讚happy live中有好多好好嘅樂手，「唱自己好中意玩live music，平時就算話宣傳自己歌都必次次有live band，上去都唔一定要唱自己歌，主要去享受下唱下其他歌手嘅歌。」提到明年初的比賽原來是她近日的決定，「我已經有6年無打過公開比賽，因為之前轉左職業球手身份，發覺職業嘅表示比較少，所以就要等幾年變返業餘，上星期就終於恢復業餘身份，呢幾日先決定參加呢個比賽，所以最近要瘋狂練。」