昨天平安夜有好多人可能都會選擇係屋企食聖誕大餐，或者出街睇下燈飾，感受一下聖誕氣氛。但許志安就選擇了在12月17日接受洗禮儀式，正式成為基督徒，更在IG上載受洗片段並留言，「Special day, special gift，️thank GOD」，用受洗儀式作為自己的聖誕禮物，有不少粉絲都送上祝福！

而安仔以一身黑色洗禮袍出席洗禮儀式前，就被牧師問幾條問題，包括，「你承認你係一個罪人？願唔願意耶穌基督做你生命嘅主宰，一生一世唔改變跟隨耶穌做佢嘅門徒？」安仔聞言後都點頭作回應，受洗儀式完成後，在場的教友亦拍手歡呼，相信Sammi都有在場見證！

安仔會受洗相信大家都唔會覺得奇怪，事關太太鄭秀文早在2007年亦正式成為基督徒，當年Sammi受憂鬱症所困3年，有好一陣子都消失在娛樂圈，最終在信主後而走出陰霾，成為圈中十分虔誠的基督徒。其後Sammi亦有推出福音大碟《信FAITH》，作為信仰歷程的見證，同樣深受不少樂迷喜愛。最重要的就一定是安仔亦受太太影響而信主，據知他為了做基督徒，一早揚言戒煙戒蒲。更在2013年的元旦叱咤頒獎禮上，安仔憑《睡火山》得到叱咤十大時，更首次在台上感謝主，「多謝上天， Thank God！」