主持人突擊問︰前女友哪一點比應采兒好? 陳小春轉數快完美解圍
撰文:梁雅婷
出版:更新:
陳小春和應采兒出名恩愛,去年帶仔仔Jasper參加內地綜藝節目《爸爸去哪兒5》,令一家人氣急升,最近更夫妻檔參加新節目《三個院子》。最近微博又傳出一段訪問片段,節目主持竟然問︰「前女友哪一點比應采兒好?」小春開頭一臉尷,只係舉起手指公,讚主持人問得好。面對住老婆,好彩小春轉數快,笑言︰「會講廣東話比她好!」
小春入行廿多年,一直都好少緋聞,當中在2003年曾與張柏芝傳過緋聞,雖然當時在節目中未有提到哪位前女友,好多人都不期然想起柏芝。不過小春個答案都好得體,未至於激嬲老婆。雖然丁丁的廣東話唔算好,但小春都曾經提過有時去外國旅行嗌嘢食都要老婆仔仔幫手,所以話有時一凹一凸啱啱好!