黃子韜晒超跑 翻牆都要用ig:晒微博怕被罵愛炫耀

撰文:鄺鈺瑩
出版:更新:
黃子韜ig有8百幾萬粉絲,除大量靚仔相之外,名銀、名袋、名車相都有唔少,不過自從被踢爆Airbnb扮自己豪宅後,唔少網民都笑佢啲超跑可能都係租的。(網上圖片)

黃子韜微博有近二千萬粉絲,閒閒哋一個po都有十幾萬留言或轉載,而近期佢就好賣力咁宣傳同楊冪合作嘅新劇《談判官》。不過,今早佢就上載咗數張跑車相,並發文表示「兒時的願望七龍車差一台就集齊了,期待神龍出現,開心。如果放假,最希望的時候就是能拍一套合集,人生最大樂趣愛好,就是自己開著車聽音樂。」黃子韜仲話只會上載「被狗仔或粉絲拍到無法隱藏的龍珠車」又笑言自己一年到晚都要拍戲,所以無時間開車,暗指其他愛車難以曝光……

勞斯萊斯嘅Wraith inspired by music系列,車廂內設有頂級音響系統,身為C-POP KING黃子韜嘅都有入手一部。(網上圖片)

之不過,其實呢個世界有樣嘢叫IG,雖然國內同胞要翻牆才能使用,但其實黃子韜都幾常用,而且大多用來晒名錶、超跑咁囉,而出現過嘅愛車包括保時捷Cayenne GTS、瑪莎拉蒂GranCabrio、林寶堅尼、法拉利以及AstonMartin……至於點解以上名車只出現IG呢?黃子韜回覆粉絲留言時,就話「晒微博怕被罵說我愛炫耀,所以ins晒什麼都沒事……」呢個神邏輯係未暗示強國網民玻璃心?而到底黃子韜仲有邊款超跑未擁有呢?相信以佢今時今日嘅身價,好快就會齊集一套。
 

黃子韜去年在美國渡假時,於微博上載多張豪宅相,並寫上「HOME SWEET HOME」,搞到大家以為佢真係有豪宅咁威,但後來被踢爆其實係Airbnb。(網上圖片)
發表評論...