農曆新年又過去，相信大家都吃了不少開年飯，體重亦增加了不少。今日（2月24日）丁子朗（2016年度香港先生選舉亞軍及最上鏡先生）出席商場活動時，接受《香港01》訪問提到：「新年我反而仲瘦咗添，就算係同婆婆食團年飯都係食得好清淡。宜家新年瘦咗，所以要食返啲增磅奶粉。」

「增磅對我嚟講仲難過減肥，我可以係食3餐，但係一陣間就冇晒。所以我平時都係做住掌上壓先，仲要一邊飲奶粉。每日都要飲增磅奶粉沖500ml水飲（3000kcal），我飲嗰種除咗蛋白加肌肉之外，仲有糖同碳水化合物，即係俾啲唔夠營養嘅人飲。你知唔知我飲完樽嘢仲會嘔，但係食完飯之後仲要迫自己再飲，仲會即刻痾添。我係唔可以出街之前飲，一定要係夜晚返到屋企可以去廁所先可以飲，真係增肥仲辛苦過減肥。我平時已經比其他人食多咗一倍飯量。」