「賭王千金」何超蓮會點用利市錢？　「放喺屋企當零用現金用」

農曆近年又過去，例牌大家又要計下今年「進帳」幾多，順便睇下邊位長輩畀幾多。不過要數全香港乃至澳門，最有可能封最多利市錢，除了「大眾偶像」李嘉誠之外，就梗係澳門賭王何鴻燊先生啦。今日（3月2日）何家千金之一的何超蓮新年過後首次出席公開活動。談到新年利市時，她就表示尚未「拆利市」。

何超蓮又有新搞作 唔靠屋企自資過百萬灣仔開店做「牛肉麵女王」
【數百萬當係碎銀】何超蓮霸氣玩魚蝦蟹 當中隱藏一個驚人重點

何超蓮接受《香港01》訪問時說：「我都派咗好多封。因為今年開牛肉麵店，有派俾裝修師傅，利利市市吖嘛。（今年收咗幾多封利市？）我冇數到咗幾多封，差唔多60封左右。（往年妳爸爸封咗幾錢利市俾妳？）年年都係1000蚊囉，利利市市講個意頭嘛。（超蓮妳畀開工利市係畀幾多？）100蚊封，其實我冇數到派咗幾多封。不過今年準備咗50封都未派晒。」

何超蓮首度演講得10分鐘：好彩冇人瞌眼瞓

何超蓮：「其實我年年都冇數㗎，因為利市都係拆晒放喺屋企當petty cash（零用現金）用。其實我啲利市錢都唔會拎去捐，因為平時已經有捐錢。」如果以每封$100再何鴻燊的$1000利市計算，其實今年何超蓮就已經逗到$6900利市。當然，對普通打工仔可能算多，但係於何超蓮來說，都只是跟自己要派的開工利市打個和，又或者只是放在家中，平日零用現金使用。何超蓮過年玩魚蝦蟹都成台「金牛」，幾千蚊濕濕碎啦。