周奕瑋（Jarvis）主持的無綫旅行節目《周遊東京》大受歡迎，他也因而人氣急升，工作機會大增，最近他更與合作多年的TVB簽了經理人合約，正式成為親生仔。這日他為品牌活動擔任主持，問到他跟TVB簽了多少年約，他不願透露年期，只謂：「係一個開心嘅時間。（有加人工？）有，滿意嘅。」至於是甚麼促成今次簽約，他指其實自己同公司雙方都有呢個意思，雖然無得再自己接job，但有公司幫他接job也是好事，他笑言：「總之我有工開，有飯食就得。」

向來主力做主持工作的Jarvis，做了TVB親生仔後又會否拍劇呢？他說：「未知，都係啱啱開始呢個身份，自己做開主持都做得好開心，想想繼續做主持，公司一直都畀咗好多機會我，覺得佢哋係想慢慢栽培我，我都係睇公司安排。自己本身性格係go with the flow，唔會刻意主動去爭取啲咩，如覺公司覺得我適合做其他工作，我都好願意去走出自己個comfort zone去試下。」