蕭正楠旗下漢堡店包內竟然有蟲 蕭老闆：承諾衛生方面會加倍努力
撰文：張嘉敏
出版：更新：
Edwin有親自落場幫間店宣傳。
蕭正楠 (Edwin) 年前進軍飲食業與友人合資開設漢堡包專門店Burger B，店內主打每日由人生新鮮炮製的手工漢堡，Edwin投資不足兩年時間已經有兩間分店，他亦不時在ig上載漢堡包店的相宣傳，自己做埋生招牌，女友黃翠如同老友曹永廉都有幫手sell下㗎。究竟呢間店的漢堡好唔好味呢？今日就有連登仔開post題目為「蕭正楠間漢堡包鋪真係一試難忘」。
以為他講Edwin賣的包有幾正？咁就大錯特錯喇，原來呢位網友在店內買了個加料的漢堡，外賣返到屋企後發現個包入面有條活生生的蟲，真係好驚嚇，他還拍了片影住條生猛蟲蟲在個包的紙包內蠕動，條蟲約有半隻手指咁長，一眼就睇到，都相當恐怖。
條蟲生勾勾識郁㗎！（網上圖片）
有晒單據。
呢位網民仲講了他發現蟲蟲漢堡後的後續處理，他即晚聯絡了該分店的經理，對方解釋有蟲的原因應該是原材料生菜出了問題，表示可以翌日換過個包或是退款給事主，又自稱是老闆之一兼話事人，願意發道歉信給事主，聲稱之前有客人都試過發現包內有蟲。該經理指食環有定期到店舖進行檢查，他不會就今次事件聯絡食環來跟進，因為不是食物中毒個案食環不會怎樣處理，最後更指書面回覆都無用所以不會給事主，事主感到深深不忿，故上連登開post討論。網民紛紛留言話條蟲好肥美好生猛，亦有人提議事主應該自己報食環。
而Edwin得悉今次事件後已即時去了解，並回應表示：「十分之抱歉，我經已同另一位老闆傾過，我哋承諾喺衛生方面會加倍努力，希望呢位客人唔好對我哋餐廳失去信心，有機會嘅話我希望可以親手做個漢堡包俾佢食。」
翠如bb食嗰個包就梗係無蟲啦。
Edwin老友阿廉都有力撐佢嘅漢堡。
如果個包由Edwin整應該唔會發生今次事件。
+5