謝安琪 （Kay）與雪兒今日（23日）一齊出席素食推廣活動，Kay更表示：「本身係一個食素者，大家會覺得我好少選擇，我都唔會強迫大家同我一齊食素，所以今次新嘅素豬肉面世，會係一件開心事。」Kay平時開飯都係以簡單為主，主要都係食大量菜同水果，但原來謝安琪都係「澱粉質之鬼」，每日都會食好多澱粉質食物。但丈夫張繼聰同孩子都唔係素食者，Kay原來都有方法氹他們食素：「我通常都會煮啲素面同買一啲素芝士推薦俾佢哋食嘅。」

而下星期天文台公布氣溫上升，最高達到30度，Kay都安排咗夏天活動同家人一齊享受陽光：「講到去沙灘，其實都要早三個月開始要鍛練，唔係去沙灘點能夠開開心心呢？不過鍛練係講笑，其實男士應該係要關心呢方面多啲，我去沙灘都著到好密實嘅，所以唔擔心呢方面。」