【後生仔傾吓偈】麥明詩朋友同各國「交流」：我就比較少經驗
撰文：鄺鈺瑩
出版：更新：
又要講又要害羞，麥明詩真係好可愛。(影片截圖)
TVB節目《#後生仔傾吓偈》愈做愈有，相信最主要原因係話題較為貼地，而身為主持之一嘅麥明詩、馮盈盈同陸浩明亦不時唔覺唔覺將自己嘅秘密講埋出嚟。日前幾位主持及十專生以「環球交友見聞」為題，除分享住大學宿舍時，不時放在雪櫃的食物「無故失蹤」外，亦有談及外藉室友帶性伴侶返宿舍，旁苦無人發生性行為……
麥明詩一而再咁澄清「最勁係摩洛哥」係由朋友口中得知。(影片截圖)
一講到性，麥明詩都忍唔住舉手話有嘢要發表：「有朋友曾經跟好多唔同地方嘅人有過交流(性行為)，你唔好以為邊一類較強、邊一類較弱，因為其實每個種族都有勁同唔勁」愈講愈興奮嘅麥明詩由朋友口中得出嘅總結就係「最勁係摩洛哥。」
其實經驗這回事都係貴精不貴多。(影片截圖)
見其他主持人起勢追問「有幾出色」，麥明詩就話其實同嗰個朋友唔係好熟，而呢個對話內容亦只係閒聊……唔熟都可以傾到呢一類型話題？到底係朋友真係咁想分享，定麥明詩健談呢？麥明詩雖然口口聲聲話「唔係我」，但就更引起其他主持懷疑，更笑佢此地無銀，陸浩明之後更補多句「呢個節目有個特點，話啲朋友其實就係自己經歷」，尷尬到不停傻笑嘅麥明詩再次爆發「我就比較少經驗」，更指朋友有咁多經驗其實值得學習……學啲乜呢？真係要麥明詩先知啦。