「神奇小子」曹星如（Rex）去年因打拳撞傷左眼，導致對角肌肉受損，視力亦受到影響，慶幸對日常生活並無太大影響。現在Rex依然在家中休養，每日都訓練左眼對焦肌肉，希望可以早日康復。

台上非常兇猛的Rex，私底下是一位十足的愛妻號，休養期間多了好多時間陪太太，早前兩人還去了日本旅遊，看雪景，盡顯溫柔可愛的一面。儘管現在暫時不用訓練，但Rex在飲食方面都未有放肆大食，有時都會跑下步鍛煉身體。

其實除了打拳之外，Rex都好多事情想做：「之前冬天嘅時候，好多人都去滑雪啦，我都未試過，咁我都想去試下嘅；另外仲有好多唔同嘅，我又未試過去外國，凈係喺亞洲，所以都好想試下去多啲唔同嘅國家，去見識下。」Rex將大部分時間放在打拳上，相信都好難有假期，希望傷勢好了以後，可以周圍玩下。

現在好多體育明星，都有涉足演藝事業，好似歐鎧淳、胡子彤等，不過Rex對這方面似乎興趣不大：「暫時未有諗呀，自己都係希望打拳為首要啦，咁但係而家暫時最想要嘅就係治療返個傷勢先。」至於復出，Rex就表示暫時是個未知數，希望他可以盡快康復，再在擂台一展風采啦。