尹天照揭露35年演藝生涯高低起跌 為照顧太太淡出幕前
撰文：朱奕錦
出版：更新：
曾經有「亞視一哥」之稱的尹天照，日前為奇妙電視節目《是敢的》作嘉賓，為大家揭露他三十五年演藝生涯的心路歷程。
尹天照擔任奇妙電視節目《是敢的》嘉賓，揭露三十五年演藝生涯的得與失
曾經一套《我和殭屍有個約會》引起全城熱潮，大家對當中的人物都印象深刻。對於飾演況天佑的尹天照來講，更是事業的高峰。不過原來他性格反叛，當年還差點被訓練班開除：「我、駱達華同吳廷燁三個人係班入面最爛玩，會掉凳、追打，有次玩到追入廁所，我拍門叫佢哋出黎，點知拍錯門拍咗校長度門，差啲畀人趕出校。」幸好當年校長手下留情，令他決心改過，認真學習。尹天照自認是貴人命，多年來得到多位貴人相助，其中一位是電視劇監製梁天。
尹天照自認性格反叛，當年還差點被訓練班開除
電視台人才濟濟、競爭激烈，要做當家小生並非易事，尹天照當年亦有受到不公平對待：「一有TVB人入，我哋就變茄哩啡，我覺得好嬲好唔公平，但因為咁變咗一團火，令自己演得更好！」入行多年，尹天照都經歷過不少得與失，而因為一位已故的髮型師好友，讓尹天照接觸到宗教信仰：「以前我為工作去做好自己，但經歷咗一段日子，我同太太都好辛苦，如果我唔信主我捱唔住。」一直都對太太寵愛有加的尹天照，為照顧患病的太太選擇淡出幕前，珍惜與家人相處時間：「人生無嘢係巴閉，最重要係家人。」